EMAIL
TANONG
Paano ba ang maging isang Red Cross 143 volunteer sa Red Cross ng Navotas City?
SAGOT
Maaari kayong magsadya sa opisina ng ating Sub-chapter dala ang inyong resume o
biodata upang makapagparehistro bilang volunteer ng Red Cross. Kayo po ay
bibigyan ng registration form para inyong sasagutan, pagkatapos ay ipapaalam sa
inyo kung kailan ang inyong orientation. Ang administrator o staff po sa ating
chapter ang magbibigay ng karagdagang impormasyon ng pagiging isang volunteer sa
Red Cross. Maaari din kayong tumawag sa 474-5553 para sa iba pang mga
impormasyon o katanungan.
TANONG
Ano ang Red Cross 143?
SAGOT
Ang Red Cross 143 ay isang programa sa Philippine Red Cross na naglalayong bumuo
ng network ng volunteers na magbibigay magkaroon na 44 volunteers sa 1 barangay
na binubuo ng 1 pinuno at 43 kasapi na syang maaaring magbigay ng mahalagang
impormasyon at kumilos para sa mabilisang pagtugon sa alinmang kalamidad o
sakuna.
TANONG
Ano ang maaaring gawin bilang isang
143 volunteer?
SAGOT
Bilang 143 volunteer, ikaw ay may tungkulin na alamin ang mga posibleng maging
banta sa inyong barangay, planuhin ang mga hakbang na maaaring gawin, i-handa
ang mga bagay na maaaring kailanganin sa oras ng sakuna at sanayin ang sarili sa
pang-unang lunas para sa inyong komunidad. Ikaw ay maaari ding mag-report sa Red
Cross Operation Center o sa kalapit na local chapter ng anumang pangunahing
impormasyon sa anumang sakuna at tumugon sa mga posibleng pangangailangan sa
inyong lugar. Ang 143 volunteer ay maaaring magreport ukol sa nangyaring sakuna
sa pamamagitan ng pagtawag sa ating lokal na subchapter sa 474-5553, pag-text
kay PRC Chairman Richard J. Gordon sa 09209527232 o pagtawag sa ating hotline
(just dial 143) para sa karagdagdang impormasyon. Sa mabilisang pagreport at
pagtugon sa anumang sakuna o kalamidad ay nagbibigay ito ng mas malaking
pagkakataon sa pagsagip mula sa kapahamakan ng iyong mahal sa buhay o ng mga tao
sa iyong komunidad.
TANONG
Ano ang dapat i-report ukol sa naganap na sakuna?
SAGOT
Sagutin lamang kung ano, saan, kailan, bakit, at paano nangyari ang sakuna, at
kung sino o ilan ang naapektuhan sa nasabing sakuna para sa mabilis na pagtugon
at aksyon. Ipagbigay-alam din ang iba pang karagdagang impormasyon na
makakatulong ukol sa naganap na pangyayari sa ating lokal na subchapter sa
474-5553.
TANONG
Maaari ba maging isang volunteer sa
Red Cross kahit wala pa akong training sa First Aid o BLS-CPR o kahit na anong
training?
SAGOT
Kahit sino na may layuning makatulong sa kanilang kapwa ay maaaring maging isang
volunteer ng Red Cross Navotas City Sub-chapter, may training man o wala. Ang
karagdagang impormasyon tungkol sa pagiging volunteer sa Red Cross ay maaaring
ipagbigay-alam ng ating staff. Sa mga interesado naman ukol sa training ng First
Aid o BLS-CPR, maaari kayong tumawag sa ating lokal na subchapter sa 474-5553
para sa impormasyon o mga katanungan.